Shqipëri, studentët protestojnë, kërkojnë përmirësimin e kushteve

Ashtu siç ndodhi në vitin 1990, kur mijëra student dolën në protesta masive kundër regjimit komunist, mijëra studentë nga e gjithë Shqipëria protestojnë prej 5 ditësh para Ministrisë së Arsimit.

Ata kërkojnë uljen e tarifave të shkollimit dhe përmirësimin e kushteve në universitete dhe konvikte.

Ministria e Arsimit u ka pranuar pjesërisht kërkesat, por studnetët e kanë rritur numrin e tyre, duke deklaruar se nuk tërhiqen nëse nuk u plotësohen të gjtiha kërkesat.

Përveçse në Tiranë, në protesta janë ngritur edhe studentë nga Shkodra, Elbasani, Vlora, Korça dhe Durrësi.

Sot është data 8 dhjetor, Dita e Rinisë, e vendosur me një vendim të 2009 të Kuvendit për të kujtuar studentët e Dhjetorit të 1990. E ndërsa kanë kaluar 28 vite nga ajo ditë, studentët sot kjo datë i gjen në protestë, pasi kërkojnë mbi të gjithë përgjysmimin e tarifave të studimit.

Kryeministri Edi Rama dhe ministrja e Arsimit Lindita Nikolla kanë ftuar studentët për dialog, por ata nuk pranojnë nëse nuk u plotësohen kërkesat.

Ndërkohë, duket se dhjetori është sezon protestash, pasi edhe banorët e Unazës së re protestojnë kundër projektit të zgjerimit të Unazës, nga i cili u prishen banesat. Ndërkohë, edhe banorët e zonës së Shkozës kundërshtojnë projektin që çon në prishjen e banesave të tyre. (Luljeta Ndoka, TVM2)