ITShKShM dhe Qendra Memoriale “Nënë Tereza”, bashkëpunim për afirmimin e veprës së Bojaxhiut

ITShKShM dhe Qendra Memoriale “Nënë Tereza” kanë nënshkruar memorandum bashkëpunimi duke vendosur një gurthemel të rëndësishëm mes këtyre institucioneve për afirmimin e veprës së Gonxhe Bojaxhiut - Nënë Terezës.

“Ky memorandum është një akt historik i dy institucioneve që pastaj do të reflektojë gjithandej trojeve etnike shqiptare, por edhe në mbarë botën me faktografi. Ne si institucion vitet e fundit me hulumtimet tona kemi nxjerrë në pah dokumente dhe fotografi dhe elemente të tjera të cilat e sendërtojnë gjithë veprimtarinë e Gonxhe Bojaxhiut”,- tha drejtori i ITShKShM-së, Skender Hasani.

“Shpresoj të kemi bashkëpunim në të gjitha projektet e përbashkëta sa i përket edhe institutit tuaj edhe institutit tonë”,- tha drejtori i Shtëpisë Memoriale “Nënë Tereza”, Arian Asllanaj.

Drejtuesit e këtyre institucioneve paralajmëruan se më 7 maj të vitit të ardhshëm Qendrën Memoriale  “Nënë Tereza” do ta vizitojë Papa i Vatikanit, do të bëhet shënimi i 100 vjetorit të vdekjes së Kolë Bojaxhiut - babait të Nënë Tertezës, dhe po ashtu do të bëhet botimi i vëllimit të dytë “Familjet katolike shqiptare në Shkup”. (Vlora Latifi Topojani, TVM2)