VMRO-DPMNE: dhuna ndaj mendimit kritik, vlerë anti-perëndimore

VMRO–DPMNE vazhdon akuzat ndaj qeverisë që, sipas tyre, ka një karakteristikë specifike, atë të padrejtësisë që fillon me padrejtësinë për emrin,  rrënimin ekonomik dhe varfërinë e popullit.

 

Sipas opozitës maqedonase, qeveria nuk dëshiron mendim kritik dhe të njëjtin përpiqet ta ndalë duke akuzuar opozitën se çdo ankesë e tyre e bazuar është akuzë kundër vlerave perëndimore.  

 

“Asgjë nuk mundet ta ndalë dhe ta hesht VMRO – DPMNE-në  të flasë për padrejtësitë që po ndodhin për emrin shekullor dhe kushtetues të kombit dhe gjuhën dhe kjo nuk është vlerë anti-perëndimore. Anti-perëndimore është dhuna që po zbatohet ndaj mendimit kritik, terrori ndaj deklarimit për reforma, deklarimit për referendum, për varfërinë ekonomike të shtetit dhe popullit që jeton në të”,- u shpreh zëdhënësi i VMRO-DPMNE-së, Naum Stoilkovski.

 

Ata ftojnë kryeministrin Zaev në duel televiziv me liderin e VMRO-DPMNE-së, Mickovskin, që të ballafaqohet me kritikën për politikat dëmtuese dhe të sqarojë, sipas tyre, rrugën kah po e dërgon Maqedoninë.