Federer-Ferer dhe Uiliams-Ivanoviç në finalet e Sinsinatit

Roxher Federer-David Ferer te meshkujt dhe Serena Uiliams-Ana Ivanoviç te femrat, do të takohen sonte në finalet e masters turneut që po zhvillohet në Sinsinati.

 

Dikur tenisti më I mirë në botë, në gjysëmfinale, pa vështirsi të mëdha kaloi favoritin e pestë, Millosh Raoniç, duke e mundur me 2-0 në sete, 6:2 dhe 6:3.

 

Rivali I tij në finale, David Ferer, Zhulien Benetos njëashtu I lejoj të fitoj vetëm pesë gejme dhe u përfitua që të luaj për herë të 16 kundër zvicëranit, me ç`rast spanjolli, sonte me fillim në orën 22 sipas kohës lokale në vendin tonë, do të jetë në kërkim të fitores së parë në karierë kundër Federerit. 

 

Te femrat, për titullin në Sinsinati do të takohen Serena Uiliams dhe Ana Ivanoviç. Favoritja e parë dhe tenistja më e mirë në botë, pati vështirsi në gjysëmfinalen kundër Karolin Vozniakit, pasi e humbi setin e parë bindshëm me 6:2.

 

Por, amerikanja më pas bëri kthesë totale, duke I fituar dy setet e ardhshme me 6:2 dhe 6:4, për finale në të cilën do të takohet me Ana Ivanoviçin. Tenistja sërbe, pati vështirsi mjaft të mëdha kundër Marija Sharapovas, shpëtoi edhe dy meç poene të kundërshtares, për në fund, pas dy orë e 46 minuta lojë, të triumfoj me 6:2, 5:7 dhe 7:5, për plasman në finale, ku sonte me fillim në orën 20, do të luaj për herë të tetë kundër Serena Uiliamsit.

 

Deri më tani, amerikanja është e bindshme në dyluftimet direkte, me gjashtë fitore dhe vetëm një humbje.