Përplaset treni me autobusin, aksident në Nish, 3 të vdekur, 23 të lënduar

Tre persona kanë vdekur  dhe mbi 23 të tjerë janë të plagosur  gjatë një aksidenti  në Nish, ku autobusi  me nxënës është përplasur me  trenin, i cili është nisur nga stacioni hekurudhor i Nishit drejt Prokupljes. 

Aksidenti ka ndodhur mëngjesin e sotëm  rreth orës 7 e 30 minuta. Të plagosurit  menjëherë janë transferuar në spitalin  Klinik, me ç’rast janë duke marrë  trajtimin e nevojshëm.

Sipas mjekëve,  si rezultat i plagëve të fituara, 6 persona janë në gjendje të rëndë shëndetësore, ndërsa 16  të plagosurit e tjerë kanë marrë lëndime më të lehta. Autoritetet e hekurudhave të Serbisë, kanë njoftuar se gjithë vija  hekurudhore është e rregulluar  me sinjalistikë, por që  në vendin ku ka ndodhur aksidenti ka munguar traka.