Besimtarët katolikë festojnë Krishtlindjet, lindjen e Jezusit

Krishtlindja për besimtarët katolikë është një festë e ardhjes në këtë botë, festa e lindjes së Jezusit.

 

Krishtlindja paraqet një ndër festat më të rëndësishme për besimtarët e krishterë të cilët në mesnatë mblidhen në kishë për të kremtuar Krishtlindjen, përkatësisht lindjen e Jezusit, i cili besohet si Biri i Perëndisë dhe Perëndia vetë e mishëruar, që zbriti në tokë për të shlyer mëkatet e njerëzimit dhe për ta kthyer atë në shtëpinë e Perëndisë.

 

Ditëlindja e Krishtit është thjesht simbolike dhe nuk është menduar të jetë data e vërtetë e lindjes së tij.

 

Përgatitjet për këtë festë nisin një javë përpara 25 dhjetorit të shënojnë edhe kulmin e festimeve. Gjithashtu,  pema e Krishtlindjeve është bërë natyrisht simboli i Krishtlindjeve.

 

Në dimër në fakt nuk ka gjelbërim, por pema e vitit të ri është përjetësisht e gjelbër dhe ajo simbolizon pikërisht jetën, fuqinë jetësore. Rruzujt e kuq të Krishtlindjeve, që kanë qenë më parë simbol për gjakun e Krishtit dhe lidhja e rruzujve të kuq dhe pemëve të gjelbra shërbejnë si bazë për jetën, si e ardhme.

 

Dhurata, ushqime të shumëllojshme, e gjithë familja e mbledhur rreth tavolinës, duke ndarë urime dhe mesazhet për vit më të mbarë e më të mirë.

 

Megjithatë, bota katolike dhe ajo ortodokse duket se kanë disa ndryshime sa i përket riteve fetare.

 

Besimtarët katolikë festojnë vigjiljen e Krishtlindjeve gjatë mbrëmjes së datës 24 dhjetor, ndërsa sa i përket besimtarëve ortodoksë, ceremonia zhvillohet gjatë paradites së datës 25 dhjetor.