Trump: Rusia, Pakistani e India të përfshihen në Afganistan

Duke folur për luftën kundër talibanëve dhe kryengritësve të grupit Shteti Islamik, Trump tha se vendet e tjera, që janë më afër rajonit, duhet ta marrin përsipër atë.

"Përse Rusia nuk është taje? Përse jo India? Përse jo Pakistani? Përse jemi ne, duke qenë 6,000 milje larg", pyeti Trump. Ai kujtoi se Rusia ka qenë e përfshirë në Afganistan në vitet 1980 dhe tha se përfshirja e saj ka çuar në "falimentimin" dhe shpërbërjen e Bashkimit Sovjetik.

Trump nuk foli në mënyrë specifike rreth raporteve për tërheqjen e mundshme të 14,000 trupave amerikane nga Afganistani, që aktualisht udhëheqin përpjekjet e NATO-s për të trajnuar dhe këshilluar trupat lokale.

Fuqitë perëndimore ndodhen në Afganistan që nga viti 2001, kur i kanë rrëzuar talibanët nga pushteti.

Muajin e kaluar, presidenti amerikan ka vendosur tërheqjen e trupave amerikane nga Siria, duke shkaktuar shqetësim tek aleatët.