Tajlandë, “Pabuk” godet vendin, bllokohen mijëra turistë

Stuhia tropikale “Pabuk” ka goditur Tajlandën duke bërë që të mbyllen aeroportet dhe të ndalen udhëtimet me tragete, si pasojë e reshjeve të dendura dhe dallgëve gjigante.

Anijet janë nxjerrë në breg në gjirin e Tajlandës, dy aeroporte kryesore “Koh Samui” dhe “Nakhon si Thammarat” u mbyllën deri të shtunën, duke bllokuar me mijëra turistë në ishuj.

“Pabuk”, stuhia e parë tropikale në dekada që mbërrin gjatë sezonit të festave, është intensifikuar mëngjesin e së premtes.

Pamjet filmike, tregojnë platformat e naftës në det përballë dallgëve gjigante, si dhe anijet e mëdha të transportit që lundronin në ujëra të frikshme.

Me reshjet e shiut që kanë përfshirë të gjithë jugun e vendit, Departamenti i Meteorologjisë ka paralajmëruar komunitetet bregdetare të presin rritje të nivelit të ujit e përmbytje.