Tensione Otavë-Pekin pas dënimit me vdekje të qytetarit kanadez

Ministria e Jashtme e Kanadasë ka lëshuar paralajmërim për qytetarët që dëshirojnë të udhëtojnë drejt Kinës. Sipas kësaj ministrie, qytetarët kanadezë që udhëtojnë në Kinë mund të bëhen viktima të zbatimit arbitrar të ligjeve vendore. Njoftimi i ministrisë vjen pas dënimit me vdekje të qytetarit kanadez në Kinë.

 

Robert Schellenberg fillimisht kishte bërë ankesë ndaj dënimit me 15 vjet burgim për rolin e ndihmësit në trafikimin e 222 kilogramëve të metamfetaminës. Sidoqoftë, duket se gjatë rigjykimit gjykatësi i mori më tepër parasysh akuzat e prokurorit, i cili ka thënë se ka dëshmi të reja që i dyshuari ka pasur rol kryesor në këtë shkelje ligjore.