“Listeria”, e pranishme edhe te mishi i pulës

 

“Nga analizat e kryera për bakterin “Listeria”, është vërtetuar se edhe në mishin e pulës është gjetur bakteri vdekjeprurës, “Listeria”. Duhet të bëni kujdes nga produktet e kompaninë “Ekstra mein”. Është vërtetuar se burimi i sëmundjes është mishi i qafës së derrit të vakumuar nga kompania “Extra mein”. Në këtë produkt, autoritet kompetente kanë gjetur 90 herë më shumë prani të bakterit “Listeria” nga niveli i lejuar”- deklaroi ministri i Shëndetësisë, Nikolla Todorov.

 

Autoritetet shëndetësore paralajmëruan se do të tërhiqen nga tregu të gjitha produktet që përmbajnë mish të pulës nga kjo kompani.

 

Nga ana tjetër, i njëjtë është edhe burimi i sëmundjes te të gjithë 10 personat e prekur nga “Listeria”, 5 nga të cilët vdiqën, ka treguar gjenotipizimi i realizuar nga institucionet kompetente të akredituara. 

 

Nga Klinika Infektive, njoftuan se gjendja e vajzës 16 vjeçare e prekur nga “Listeria”, është e qëndrueshme.