FIFA pezullon sërish merkaton e Barçës

FIFA ka konfirmuar dënimin për Barcelonën duke refuzuar ankesën e tyre. Klubi nga Camp Nou nuk do të ketë të drejtë të realizojë shitblerje të futbollistëve në dy afatet e ardhshme kalimtare.

 

Shtëpia e futbollit botëror (FIFA) ka njoftuar se ka refuzuar ankesën e Barcelonës, të cilën më herët e kishte ndëshkuar për transferimin e parregullt të disa futbollistëve të mitur.

 

Kështu, Barcelona nuk do të ketë të drejtë të realizojë shitblerje të futbollistëve në dy afatet e ardhshme kalimtare, në janar dhe verën e vitit 2015.

 

Po ashtu, klubi nga Camp Nou do të jetë e obliguar të paguajë edhe një gjobë prej 450 mijë franga.