Japonezët jetojnë më gjatë në botë

 

Momoi, ka lindur më 5 shkurt të vitit 1903. Ai ishte mësues kimie në një shkollë të mesme dhe më vonë shef i Katedrës së Kimisë në Fukushima. Edhe pse është 111 vjeç, Momoi thotë se nuk do t’i vinte keq të jetonte më gjatë. 

 

“Do të doja të jetoja edhe një apo dy vjet të tjera”- tha burri më i vjetër në botë, Sakari Momoi.

 

Ai thotë se nuk e ka sekretin për jetëgjatësinë, por njerëzit që përkujdesen për të thonë se ai ha rregullisht në të njëjtën kohë, madje çdo gjë e bën sipas një rituali të njëjtë çdo ditë.

 

Përveç Momoit, sekretin e jetëgjatësisë e ka zbuluar edhe një tjetër japoneze.

 

Sipas librit të rekordeve Ginis, njeriu më i vjetër në botë, që është gjallë aktualisht, është një femër nga Osaka, 116 vjeçarja Misao Okaua.