Kosovë: përfundon seanca dëgjimore kushtetuese

Përfundoi në Kosovë seanca dëgjimore në Gjykatën Kushtetuese, ku përfaqësuesit e PDK-së, LDK-AAK-NISMA-s dhe Vetëvendosjes paraqitën argumentet e tyre. Ndërkohë, tani pritet vendimi i trupës së gjyqtarëve rreth ligjshmërisë se kryetarit të zgjedhur të Kuvendit, Isa Mustafës.

 

Enver Hasani, kreu i Gjykatës, bëri me dije se vendimi do të publikohet në faqen zyrtare në internet.

 

Në këtë seancë, palët ballafaquan argumentet e tyre. Nga PDK-ja, përfaqësues ishte deputeti, Arsim Bajrami, ndërsa nga blloku opozitar deputetja, Vjosa Osmani.

 

Bajrami, argumentoi se zgjedhja e Isa Mustafës nuk i ka respektuar procedurat kushtetuese.

 

Ai nënvizoi faktin se i takon partisë që ka dalë e para në zgjedhjet e drejta, e propozimit të kryetarit të Kuvendit.

 

Nga ana tjetër, Vjosa Osmani deklaroi se grupi më i madh parlamentar është ai i partive LDK, AAK dhe Nisma dhe jo ai i PDK-së. 

 

Kryetari i Gjykatës, vazhdimisht e ka ripërsëritur se kërkohet vetëm argumente juridike dhe asgjë tjetër. 

 

Nga ana e anëtarëve të Gjykatës, nuk pati ndonjë pyetje për palët. Pas dëgjimit të argumenteve nga të dyja palët, Gjykatës Kushtetuese i mbetet që të marrë vendimin.