SDDS Plus, Maqedonia rangohet në vendin e 18 në botë

Maqedonia arriti të rangohet në vendin e 18 në botë dhe e dyta në Evropën Juglindore, por i pari nga vendet joanëtarë të BE-së për ofrim të standardeve të larta për shpërndarjen e statistikave të Fondit Monetar Ndërkombëtar - SDDS Plus.

Këtë lajm e bënë të ditur Enti Shtetëror i Statistikës, Banka Popullore e Republikës së Maqedonisë dhe Ministria e Financave.

“Ky standard u prezantua nga Fondi Monetar Ndërkombëtar në vitin 1997 dhe siguron një kornizë për një anëtar ndihmës të vendeve që janë anëtare të Fondit Monetar Ndërkombëtar, në mënyrë që të zhvillojnë sistemin e tyre të prodhimit statistikor gjithëpërfshirës dhe të përpilojnë statistika që do të shërbejnë për të krijuar ekonomi politike dhe analiza”,- deklaroi Apostol Simovski nga Enti Shtetëror i Statistikës.

“Standardi SDDS plus në fakt është përgjigje e Shoqatës së bashkësisë financiare ndërkombëtare të konstatimeve të zbrazëtirave statistikore. Kjo iniciativë nënkupton pasurimin e statistikave, si në vëllim ashtu edhe në cilësi, me qëllim njohjen në kohë dhe një përgjigje të përshtatshme ndaj dobësive që mund të dalin një ekonomi”,- tha guvernatorja e BPRM-së, Anita Angelovska-Bezhoska.

“Ne po hyjmë në një grup vendesh me standardet më të larta të raportimit, si Shtetet e Bashkuara të Amerikës, Gjermania, Japonia, Kanada, Holanda, Finsi, Austria, Danimarka. Së dyti, kjo me siguri do të kontribuojë në një besim më të madh dhe në një pozicionim më të mirë midis institucioneve financiare ndërkombëtare, agjencive të klasifikimit të kredive, që janë veçanërisht të rëndësishme për investitorët”,- tha ministri i financave, Dragan Tevdovski.

Maqedonia ka grupe profesionistë, përgjegjës që punojnë çdo ditë për të arritur qëllimet e vendosura nga standardi SDDS plus. E gjithë kjo është e nevojshme për të ndërtuar dhe zhvilluar statistika të përditësuara dhe cilësore, është garancia jonë që ne do të arrijmë deri në fund, u tha në ngjarjen e sotme. (Sedat Selimi, TVM2)