Protesta në Shqipëri: PD kërkon rrëzimin e qeversë, Rama përgjigjet

Partia Demokratike ka nisur këtë të shtunë protestat lokale, për t’i paraprirë protestës së 16 shkurtit, e cila është paralajmëruar të ketë përmasa të mëdha.

 

Kryetari i Partisë Demokratike Lulzim Basha ishte sot në qytetin e Fierit, nga ku u kërkoi banorëve që të marrin në dorë fatet e tyre.

 

Ndërkaq, disa deputetë demokratë janë ndalur në Burrel, ku kanë kërkuar mobilizim të banorëve për të rrëzuar qeverinë Rama. Vetë qytetarët janë shprehur të gatshëm, duke pohuar se qeveria aktuale i ka varfëruar deri në mjerim.

 

Ndërkohë, kryeministri Edi Rama e ka lidhur grevën e paralajmëruar të pedagogëve, pikërisht me protestën e 16 shkurtit.

 

Në pjesën më të madhe të fakulteteve, mësimi zhvillohet normalisht, ndërsa vetëm në dy fakultete mësimi është bojktotuar.