Brazil: Dalin pamjet nga rrëzimi i digës, llumi i baltës “përpin” çfarë i del para

Mediat kanë publikuar pamjet dramatike të momentit kur dallga e lartë me mbetje toksike goditi qytetin jugor të Brumadinjos, në shtetin e Minas Gerais.

 

Rreth 12 milionë metër kub mbetje toksike që gjendeshin në rezervuarin e digës e që ishin akumuluar nga aktivitetet e minierës u shtrinë në një hapësirë tokësore dhe lumore prej 250 hektarësh.

 

Ndërkohë vala e baltës vazhdon ende të lëvizë ngadalë dhe pritet që t’i afrohet pengesës më të afërt mes datës 5 dhe 10 shkurt.

 

Autoritetet kanë arrestuar deri më tani pesë persona për pakujdesi gjatë detyrës dhe po hetojnë mbi arsyen përse nuk u aktivizua sistemi i sinjalizimit i instaluar për njoftimin e incidenteve të tilla, por gjithsesi nuk është ende e qartë se çfarë e ka shkaktuar kolapsin e digës, që zotërohet nga kompania braziliane.

 

Kompania “Vale” që administron digën e shembur dhe minierën e hekurit pretendon se masa nuk përbën rrezik për mjedisin apo për cilësinë e ujit të pijshëm për banorët.