Zgjedhjet presidenciale, partitë të angazhuara rreth kandidaturave

Nga LSDM kandidatin e tyre do ta caktojnë nëpërmjet shpalljes publike. Në këtë shpallje theksohen katër kriteret të cilat duhet t’i plotësojnë kandidatët edhe atë: Lidhja Social Demokrate e Maqedonisë – LSDM. 

 

 

Kandidatët e interesuar do të mund të aplikojnë deri më 19 shkurt, ndërsa zgjedhjen përfundimtare të emrit të kandidatit do ta bëjnë më datën 3 mars. 

 

Kurse nga VMRO-DPMNE vetëm kanë pranuar se janë paraqitur 8 kandidatë në konkursin e shpallur. BDI ka pohuar se të gjitha opsionet janë të hapura duke mos përjashtuar as ndonjë kandidat të përbashkët me LSDM-në e as me partitë shqiptare. 

 

Kurse Lëvizja Besa e Bilall Kasamit dhe ASh e Zijadin Selës mund t’i bashkojë kandidatura e Ilaz Kadriut nga diaspora, ndërsa akoma pa qëndrim janë Besa e Afrim Gashit dhe PDSh-ja. 

 

Procedurë për kandidat të tyre kanë nisur edhe nga Partia Liberal Demokrate, të cilët kanë pohuar se mundësitë janë lënë të hapura të bashkëveprojnë edhe me LSDM-në.                                                                                                                

“Në varësi prej ofertave të kandidatëve të cilët do t’i pranojmë, do të vendosim a do të shkojmë të vetëm në këtë garë, apo do t’i bashkëngjitemi kandidaturës nga LSDM, siç mund edhe LSDM ta përkrah kandidaturën tonë”,- thuhet nga LDP.                                       

                            

Ndërsa si kandidat të mundshëm i LDP-së përflitet emri i ish deputetes, Angela Peeva Llaurentiç. Kandidaturën e tij sot e ka bërë publike edhe deputeti, Amdi Bajram, i cili kërkon mbështetjen edhe të shqiptarëve.                     

                                                                                                       

“Do të kërkoj nga të gjithë, përfshi edhe shqiptarët. Nga të gjithë që nuk kanë kandidat. Dua të më mbështesin të gjithë qytetarët. Do t’i grumbulloj 10 mijë nënshkrime. Si fillim do të hapim një faqe në Facebook, do të punojmë me “like””,- tha kryetari i Lidhjes së Romëve të Maqedonisë, Amdi Bajram. 

 

Edhe Partia turke në Maqedoni ka theksuar se është koha që Maqedonia të ketë një kandidat për kryetar nga nacionaliteti turk. 

 

Kurse kandidaturë kanë paralajmëruar se do të nxjerrin edhe Samka Ibrahimovski nga Partia për Emancipim të Romëve, por interesim ka shfaqur edhe profesori, Jove Kekenovski, i cili është nga fraksioni i deputetëve të shkëputur nga VMRO-DPMNE-ja. 

 

Ndërsa Koalicioni “Maqedonia bllokon”, garën do ta bëjnë me kandidatin e tyre, Filip Petrovskin. Nga VMRO-DPMNE në moment të fundit kanë gjasa të dalin me emrin e Gordana Siljanovskas, e cila do të thithte vota edhe të anëtarëve jashtë partisë, ndërsa tek LSDM emrat më të përmendur mbeten Radmilla Shekerinska, Nikolla Dimitrov dhe koordinatori nacional për NATO, Stevo Pendarovski.