Padia për mospagesën e pensioneve, Carovska: Qëllimi ynë, të mbrojmë qytetarët

Ministrja për Punë dhe Politikë Sociale Mila Carovska, të premten do të japë deklaratë rreth padisë së ngritur penale nga ministria që drejton,  që lidhet me keqpërdorimet sipas tyre,  në Fondin Pensional .

Carovska duhet të sqarojë detajet rreth  mos pagesës së  mjeteve në shtyllën e dytë pensionale, për  12 mijë qytetarëve të siguruar, shumë që sipas Carovskës arrin në  19 milionë euro të papaguara.

Carovska nuk deshi të komentojë padinë. Shkurt para mediave,  sqaroi sot se,   qëllimi i resorit që drejton,  është të sigurojë një sistem që funksionon e që mbron qytetarët. Nga Fondi këmbëngulin se asnjë denar  nuk është keqpërdorur, fajin ia hedhin funksionimit të sistemit.

“Prokuroria  publike  ka derguar ftesë  deri tek unë. Procedura ka filluar. Tani lënda  është nën kompetencat e Prokurorisë  Publike  dhe unë si minstre  kam bazë ligjore  gjithçka  që do të zbuloj,   t’i dërgoj në prokurori  dhe këtë obligim unë e kam kryer. Dhe e dyta  ka qenë që të rregulloj  gjithë këtë sistem  dhe të gjëjmë mënyrë se si t’i mbrojmë qytetarët . Si qeveri  përgjegjëse e kemi bërë këtë , për institucionet e  tjera nuk dua të kometoj ,  duhet të kërkoni deklarata nga ata” – tha ministrja e Punës dhe Politikës Sociale, Mila Carovska.