Zjarri në Paris: 10 viktima, mes tyre një foshnje

Dhjetë persona përfshirë një fëmijë kanë vdekur nga zjarri që përfshiu një ndërtesë tetë katëshe në Paris, thanë zyrtarët e emergjencës. 

Më shumë se 30 vetë, përfshirë gjashtë zjarrfikës u plagosën, ndërsa një person është në gjendje të rëndë. 

Disa godina të tjera në zonën e ndodhur jo shumë larg kullës “Eiffel” u evakuuan si masë paraprake, ndërsa zyrtarët e bashkisë u ngarkuan me detyrën t’iu gjenin njerëzve të prekur një strehim të përkohshëm. 

Prokurori i Parisit thotë se zjarri mund të jetë ndezur qëllimisht. 

Policia ka ndaluar një të dyshuar femër. Presidenti i Francës, Emmanuel Macron tha se vendi “u zgjua në tragjedi” dhe vlerësoi shërbimet e zjarrëfikësve për guximin e tyre në përpjekje për të shpëtuar banorët.