Identifikohet trupi i gjetur në avionin e futbollistit Sala

Sipas BBC, në deklaratën e policisë së Dorset lëshuar gjatë mbrëmjes thuhet: “Trupi i sjellë në Portland Port, të enjten me 7 Shkurt 2019-të, është identifikuar zyrtarisht dhe është i futbollistit Emiliano Sala”.

 

Trupi u zbulua pas një kërkimi nënujor në avionin që u zhduk nga radarët më 21 Janar të këtij viti.

 

Aeroplani i vogël tip Piper Malibu ishte nisur nga Franca dhe do të udhëtonte drejt Uellsit kur humbi nga radarët dhe u rrëzua në det. Në bord ishin vetëm dy persona, futbollisti 28-vjeçar dhe piloti./tvklan