Komisioni i Jashtëm në Kuvendin shqiptar, ratifikoi Protokollin për anëtarësim në NATO

Si rrallëherë, politika shqiptare ka gjetur gjuhën e përbashkët për mbështetjen  e shtetit fqinj, pasi protokolli u votua dje me konsensus të ngjashëm edhe në Komisionin e Ligjeve.

 

Anëtarët e këtij komisioni kanë vlerësuar rëndësinë e këtij vendimi jo vetëm për Maqedoninë, por edhe për Aleancën e Atlantikut të Veriut, e cila do të presë anëtarin më të ri të saj.

 

Pas dy votimeve unanime në Komisionin e Ligjeve dhe atë të Jashtëm, protokolli do të votohet ditën e enjte në parlament.

 

I pranishëm në seancë plenare do të jetë edhe kryeparlamentari i Maqedonisë së Veriut, Talat Xhaferi. Të njëjtin proces do ta kryejnë të gjitha vendet anëtare të NATO-s, ndërsa sipas rendit alfabetik, Shqipëria ishte e para.