Shkelja e të drejtave të fëmijëve, Megjashi: 107 paraqitje në linjën S.O.S. gjatë 2018

Gjatë vitit të kaluar, në linjën për fëmijë dhe të rinj, S.O.S., janë evidentuar gjithsej 107 paraqitje për shkeljen e të drejtave të fëmijëve, njoftuan nga Ambasada e parë e fëmijëve Megjashi, gjatë prezantimit të raportit të tyre vjetor.  

30% e paraqitjeve kanë të bëjnë me varfërinë e fëmijëve, 13 për dhunë fizike, psikologjike dhe moskujdes ndaj fëmijëve, 9 fëmijë kanë qenë viktima të shkurorëzimit të prindërve dhe 5 viktima të dhunës mes moshatarëve.

“Mbi 30% e paraqitjeve janë ankuar apo kanë shprehur shqetësim për ekzistimin e tyre, për jetën e tyre, që lidhet me varfërinë e fëmijëve, që e prekë këtë kategori të ndjeshme, duke u larguar nga shkolla, fëmijë që keqpërdoren në punë dhe që janë viktimë e tregtisë me njerëz dhe prostitucion të fëmijëve”,- tha kryetari i Megjashit, Dragi Zminjac.

“Transmetimi i përbashkët i informacioneve dhe njohurisë në kompetencë të institucioneve, sjellin deri në mbrojtje të fëmijëve të cilëve u duhet ndihmë në moment të caktuar”,- tha koordinuesja e linjës S.O.S., psikologia, Jana Zengovska.

Nga Megjashi kërkojnë përfshirjen në arsimin parashkollor të sa më shumë fëmijëve, përfitime nga shteti për kategoritë e rrezikuara dhe mosdiskriminim në aspektin social. Nëse duam më pak fëmijë në rrugë, duhet të përkujdesemi që asnjërit fëmijë të mos ju mungojnë rrogat dhe ushqimi i ngrohtë, thonë nga Megjashi. Linja për fëmijë dhe të rinj S.O.S. ekziston tanimë 26 vite. Në të deri më sot janë regjistruar 20.742 thirrje. (Gyltene Sinani, TVM2)