Presidenti bën thirrje për vetëpërmbajtje

“Duke ndjekur me vëmendje të veçantë protestën e opozitës bëj thirrje për vetëpërmbajtje nga të gjithë për evitimin e konfrontimeve dhe dhunës. Qytetarët duhet të protestojnë të lirë dhe duhet të respektohen institucionet”, thotë në një reagim të shkurtër kreu i shtetit.

 

Protesta e thërritur nga opozita ka degjeneruar shumë shpejt në dhunë, përpara godinës së Kryeministrisë.

 

Protestuesit kanë hedhur shashka e molotov në drejtim të godinës së Kryeministrisë, duke thyer edhe një prej xhamave të derës së godinës. Nga brenda Kryeministrisë efektivët e policisë kanë hedhur ujë në drejtim të protestuesve për t’i larguar nga hyrja e saj.

 

Disa protestues janë shfaqur në vështirësi, dyshohet si pasojë e gazit lotsjellës. /tvklan.al