Politikat lidhur me BREX-itin, paralajmërohen largime të tjera te laburistët

Laburistët në Britani mund të mbeten edhe me më pak deputetë pas paralajmërimeve se të tjerë ligjdhënës mund t’ju bashkohen 7 deputetëve që të hënën u larguan nga partia e tyre dhe do të veprojnë si të pavarur.

Laburistët nuk e fshehën pakënaqësinë me udhëheqjen e kësaj force politike gjatë një seance të tensionuar në Parlament.

Edhe dy ligjvënës konservatorë po mendojnë t’i bashkohen grupit të pavarur të ish-laburistëve në Asamble. Edhe mes konservatorëve ka një grup të pakënaqurish me politikat e ndjekura prej qeverisë në lidhje me BREX-itin.

Laburistët e larguar nuk po planifikojnë krijimin e një partie të re politike, por i kanë nxitur laburistët e tjerë e i kanë bërë thirrje dhe anëtarëve të partive të ndryshme që t’iu bashkohen, me qëllim ndërtimin e atyre që i quajnë “politika të reja”.