Tiranë, opozita: Djegie të mandateve dhe protesta

Gjatë një interviste për “Dojçe Velen”, presidenti i Republikës së Shqipërisë, Ilir Meta, është shprehur kundër djegies së mandateve, duke i kërkuar opozitës të bëjë një hap prapa, ndërsa qeverisë, të bëjë dy të tillë.

 

Të shqetësuar për situatën politike janë edhe ndërkombëtarët. Pas gjuhës së ashpër që përdori mbrëmë Ambasada amerikane ndaj opozitës, ambasadori i Bashkimit Europian, Luigi Soreca, zbarkoi sot në zyrën e kryedemokratit Basha për t’u njohur me planin e tij. Një ditë para protestës së opozitës, Soreca bëri thirrje kundër dhunës.

 

Ndërkohë policia ka vendosur marrjen e masave të larta të sigurisë, pas protestës së paralajmëruar para godinës së parlamentit.