Indi, 130 të vdekur nga alkooli toksik

Të paktën 130 njerëz kanë vdekur dhe më shumë se 200 të tjerë kanë përfundur në spital pasi konsumuan alkool toksik në Indinë veri-lindore.

Dhjetë persona janë arrestuar për pijet alkoolike të shitura kontrabandë. Mes viktimave kishte shumë gra dhe të gjithë punonin në plantacione çaji.  Numri i të vdekur besohet të jetë më i lartë që pas vitit 2011, ku në Bengalin Perëndimor vdiqën më shumë se 170 vetë pas konsumimit të alkoolit.

Viktima e parë vdiq të enjten, ndërsa sot u raportuan 35 të vdekur. Policia ka gjetur shtëpinë ku është prodhuar pija toksike. Mjekët që trajtuan viktimat shprehën habi nga përbërësit e përdorur për prodhimin e alkoolit ilegal, që shkaktoi prishjen e organeve të trupat e njerëzve.

Një ekip ekspertësh do analizojë përmbajtjen e pijeve. Njerëzit u paraqitën në spital me të vjella, dhimbje ekstreme të gjoksit dhe vështirësi në frymëmarrje. 

Vdekjet nga alkooli i prodhuar në mënyrë të paligjshme janë të zakonshme në zonat rurale të Indisë. Pijeve alkoolike u shtohet metanol, që edhe nëse merrni sasi të vogla, mund të shkaktojë verbëri, dëmtime të mëlçisë dhe vdekje.