Pranohet kërkesa e Kosovës për anëtarësim në Interpol

Kosova edhe këtë vit ka aplikuar për t’u bërë pjesë e familjes botërore të policisë, INTERPOL. E aplikacioni i Kosovës është pranuar nga organet e kësaj organizate.

Këtë për “lajmi.net” e ka konfirmuar edhe ministri i Brendshëm, Ekrem Mustafa.

“Kërkesa e Kosovës për INTERPOL është pranuar, mirëpo që konfirmimi ende nuk është bërë”, - ka thënë Mustafa për lajmi.net.

Kujtojmë se vitin e kaluar Kosova dështoi të bëhet pjesë e INTERPOL-it.

Qeveria e Kosovës ishte kritikuar për shpenzimin e parave për lobim për anëtarësim në këtë organizatë.

Kosova, aplikacionin për anëtarësim e dërgoi më 31 janar të këtij viti.