Ndërmjetësimi, Oda e Ndërmjetësuesve memorandum me qeverinë

Ndërmjetësimi është një shërbim për qytetarët dhe bizneset, të cilët mund të zgjidhin mosmarrëveshjet mes tyre, por edhe me institucionet, pa hyrë në labirintet e sistemit gjyqësor, duke kursyer kohë dhe të holla. 

 

“Palët shohin të mirat e ndërmjetësimit si një mjet për zgjidhjen e mosmarrëveshjeve dhe marrin pjesë në arritjen e efekteve më pozitive, të tilla si kursimit të buxhetit”,- deklaroi kryetari i Odës së Ndërmjetësuesve, Sllave Mlladenovski.

 

Qeveria dhe Dhoma e Ndërmjetësuesve nënshkruan memorandum bashkëpunimi që përcakton parimet për veprimtari të ndërsjella në fushën e zgjidhjes alternative të mosmarrëveshjeve me ndërmjetësim. 

 

"Ndërmjetësimi si një procedurë kompromisi për zgjidhjen e mosmarrëveshjeve, që thekson përgjegjësinë shoqërore të palëve që pranojnë ndërmjetësimin profesional dhe të cilat afirmojnë kontributin e tyre në forcimin e sundimit të ligjit dhe qasjen në drejtësi për të gjithë”,- tha kryeministri, Zoran Zaev.

 

Zaev ftoi përfaqësuesit e institucioneve publike që të japin kontribut pozitiv në promovimin e ndërmjetësimit si një mënyrë për zgjidhjen e mosmarrëveshjeve ndërmjet personave juridikë dhe qytetarëve me institucionet qeveritare. Memorandumi është një mbështetje shtesë për ndërmjetësimin, i cili tashmë është pjesë edhe e  strategjisë për reforma në sistemin gjyqësor.