Presidencialet dhe lokalet e pjesëshme, ASh mbledh në Dibër kuvendin qëndror

Aleanca për Shqiptarët mblodhi  në Dibër Kuvendin Qëndror ku u diskutua zyrtarizimi i kandidaturës për zgjedhjet e parakohshme lokale dhe për  zgjedhjet presidenciale.

 

Por kreu i ASH-së Zijadin Sela është skeptik se procesi zgjedhor do të jetë demokratik. Sipas tij, votuesit janë të shantazhuar, punësimet vazhdojnë të bëhen përmes partive e jo sipas aftësive dhe ka shumë elemente që e bëjnë ASH-në të dyshojë se kësaj radhe në zgjedhje,  gjërat do të jenë ndryshe.

 

“Goja është plot demokraci dhe zgjedhje të lira , por realisht këto zgjedhje kurrë skanë qenë të lira. Në qoftë se i marrim parasysh zgjedhjet e fundit lokale, ku  e kishte mundësinë qeveria e re të tregojë se sa punon në drejtim të demokratizimit të vendit , ato vetëm të lira dhe demokratike nuk ishin. Në Strugë për shembull , kishte manipulim rezultati , kandidati i cili ishte i 3-ti doli i 2-ti,  në bashkëpunim mes BDI-së dhe LSDM-së , që pastaj në raundin e dytë vetëm brenda dy orësh të nxjerrin gati 8 mijë votues , në mënyrë që ta ndryshojnë vullnetin e popullit në Strugë. Shpresojmë që kësaj rradhe zgjedhjet të jenë korrekte  dhe demokratike , por përderisa është gjith ky nepotizëm i shprehur në shoqëri , që e dëgjojmë përditë,  si mund të thuash nesër që zgjedhjet janë demokratike dhe të lira , 60 % e popullit votojnë të shantazhuar me nji vend pune dhe fenomeni akoma më i keq është blerja e votes”, shprehet kryetari i ASh-së, Zijadin Sela.