Luboteni, me vite pa ujë për pije nëpër shtëpi

Fshati Luboten përballet me mungesën e ujit.  Rreth 60 vjet problem nuk zgjidhet edhe përkundër premtimeve të shumta nga politikanët dhe autoritetet lokale. Por premtimet e dhëna gjatë fushatave zgjedhre, harrohen menjëherë më pas. Banorët ankohen se që nga muaji maj, në ceshmat e shtëpive të tyre nuk rrjedh më ujë, edhe atëherë kur ka, uji është jocilësor dhe nuk pihet.

 

Banorët thonë se shpesh ndodh qe fëmijët të pijnë ujë dhe të sëmuren. Ironia është më e marre marrë parasysh faktin se në Luboten mbushin ujë nga burimi edhe banorët e Shkupit e më larg për shkak të cilësisë së tij. Ky burim, është i vetmi vend ku ata mbushin ujë për pije.    

 

 

 

“Prej viteve të 70-a kur e kanë rregulluar, prej atëherë ka qenë i mirë ama tash është prishur. Nuk pihet ai ujë krejt mikrobe. Ndodh që fëmijët të pijnë ujë dhe të sëmuren ata janë fëmijë nuk dinë. Tash prej të 5 muaj, pakësohet dhe nuk kemi fare ujë. Kemi bërë kërkesa në komunë por nuk I kanë marë parasysh", ankohen banorët.

 

Por nuk është vetëm fshati Luboten që përballet me mungesë të ujit të pijshëm. Të njejtat probleme ka edhe në fshatra të tjera të vendit. Në ditën ndëkombëtare të ujit të pijshëm, këta banorë përkujtojnë autoritetet se e drejta për ujë është e drejtë themelore e njeriut.

 

Paralajmërojnë edhe protesta për zgjidhjene problemit, megjithëse nuk kanë shumë shpresa që protestat e radhës do të mund të zgjidhin problemin që ata kanë me vite me mungesën e ujit nëpër shtëpitë e tyre, edhe pse kanë burimin më cilësor të ujit në qendër të fshatit.