Hiqet “roamingu” në Ballkan, marrëveshja hyn në fuqi në korrik të vitit 2021

Por, të paktën në disa vende në Ballkan, shumë shpejt, nuk do të bëjmë më telefonata me kosto të larta. 6 vende të Ballkanit Perëndimor: Shqipëria, Kosova, Bosnje-Hercegovina, Maqedonia e Veriut, Mali i Zi dhe Serbia nënshkruan në Beograd marrëveshjen, sipas të cilës, prej datës 1 korrik të vitit 2021, në secilin prej 6 vendeve të Ballkanit Perëndimor do të mund të flitet me koston e një telefonate lokale dhe jo më me tarifat e shtrenjta roaming.

 

Marrëveshja do të nisë të zbatohet në korrik të vitit 2021, ndërkohë që reduktimet e tarifave do të fillojnë që nga 1 korriku i këtij viti, si formë lehtësimi për komunikimet ndërmjet qytetarëve.

 

Nënshkrimi i marrëveshjes së sotme vjen pas rreth 2 vitesh negociatash të vazhdueshme mes palëve, me ndërmjetësimin dhe interesimin e drejtpërdrejtë të Brukselit. Komisioni Europian e ka vendosur këtë çështje si prioritet, duke e përdorur heqjen e tarifave roaming si një strategji efikase për të integruar më shumë rajonin.