Kriza e migrantëve, Sheqerinska: Jemi gati të përballojmë çdo sfidë

Maqedonia është e përgatitur dhe e ndjek me vëmendje situatën e krijuar me migrantët te fqiu jogor-Greqia, deklaroi ministrja e Mbrojtjes Radmilla Sheqerinska.

 

Ajo tha se një pjesë e migrantëve të vendosur në kampet në Greqi , të mashtruar nga lajmet e rreme kanë menduar se ruta ballkanike është e hapur, prandaj dhe janë nisur drejt kufirit me Maqedoninë e Veriut.   

 

“Gjatë dits së djeshme  realizuam konsultime edhe ministria e Punëve të Brendshme  parasëgjithash edhe ne si  ministri mbështetëse, dhe jemi të gatshëm të përballemi edhe  me rritjen e tensioneve  në kufi. kjo tregon se e rëndësishme është që  gjithonë të jemi të zgjuar dhe vigjilent. Situata po ndiqet me vëmendje dhe jo rastësisht në kufirin me Greqinë kemi praninë e Armatës, e cila ka qëndruar atje edhe në kohën dhe ditët kur në atë zone nuk kishte asnjë migrant , dhe nga kjo perspective  mund të themi që ai ka qenë hapi I qëlluar”, shprehet ministrja e mbrojtjes Radmila Sheqerinska.

 

Sipas Sheqerinskës jo rastësisht Kuvendi disa here zgjati vendimin për nevojën e pranisë e ARM-së në kufirin me Greqinë, sepse sa u përket krizave të migrantëve, të njejtat janë të pa parashikueshme dhe duhet që të mësohemi me realitetin e ri, dhe ky realitet flet që rreziku mund te shfaqet edhe brenda natës.

 

Lidhur me kërkesat e ministrit turk të Mbrojtjes  për ndërmarrjen e akcionit  kundër pjesëtarëve të Fetos, dhe a rrezikohet anëtarësimi i vendit në NATO, ministrja Sheqerinska tha se nuk ka kërkesa të reja.

 

Maqedonia e Veriut vazhdon që të mbetet aleate dhe të bashkëpunojë me të gjitha vendet anëtare të NATO-s.

 

Andaj sipas saj asgjë tjetër nuk ka se çfarë të shtohet në këtë drejtim nga ajo që paraprakisht e deklaroi dje ministri i punëve të Brendshme Oliver Spasovski.