Brexit, Britania e Madhe dhe BE shtyjnë afatin deri më 31 tetor

Duke folur pas pesë orë bisedimesh në një samit të BE në Bruksel, presidenti i Këshillit Europian Donald Tusk tha se "mesazhi i tij për miqtë britanikë" ishte "ju lutem mos e humbni këtë kohë".

 

Theresa May tha se Britania e Madhe ende do të synojë të largohet nga BE sa më shpejt që të jetë e mundur.

 

Irlandezi Taoiseach Leo Varadkar tha se Mbretëria e Bashkuar tani duhet të mbajë zgjedhjet evropiane në maj ose të largohet më 1 qershor pa një marrëveshje.

 

Kryeministrja May më herët i tha liderëve se ajo donte të lëvizte datën e daljes së Mbretërisë së Bashkuar nga kjo e premte deri më 30 qershor, me mundësinë e largimit më herët, nëse marrëveshja e saj për tërheqje u ratifikua nga Parlamenti.

 

Tusk doli nga bisedimet, dhe një takim i mëpasshëm me zonjën May, për t'iu drejtuar gazetarëve në një konferencë shtypi në orën 02:15, me orën lokale.

 

Ai tha: "Kursi i veprimit do të jetë tërësisht në duart e Mbretërisë së Bashkuar: ata ende mund të ratifikojnë marrëveshjen e tërheqjes, me ç'rast zgjatja mund të përfundojë".

 

Tusk tha se Mbretëria e Bashkuar gjithashtu mund të rishqyrtojë strategjinë e saj ose të zgjedhë "të anullojë Brexit tërësisht".

 

Ai shtoi: "Më lejoni të përfundoj me një mesazh për miqtë tanë britanikë: Kjo shtrirje është aq fleksibël sa ç'e prisja, dhe pak më e shkurtër sesa e prisja, por ende është e mjaftueshme për të gjetur zgjidhjen më të mirë të mundshme.

 

"Ju lutem mos e humbni këtë kohë."/Ora News