Tentoi të hynte me forcë, plagoset një person në Kazermën “Goce Dellçev”
Një person është plagosur në kazermën “Goce Dellçev” në Shkup pasi ka tentuar që të hyjë dhunshëm në objektin ushtarak rreth orës 3 pas mesnatës...
Ministria e Mbrojtjes njofton se ushtari që ka qenë në roje, disa herë e ka paralajmëruar verbalisht personin, por pasi ai nuk është bindur, roja ka qëlluar dy herë në ajër.
“Personi edhe më tej i ka injoruar paralajmërimet ku në një nga gjuajtjet është goditur në thembrën e këmbës së djathtë. Konform procedurave i është dhënë ndihma e parë dhe është transportuar në spital. Menjëherë janë njoftuar organet kompetente hetuese”,– theksojnë nga Ministria e Mbrojtjes. "Policia ushtarake, MPB-ja dhe Prokurori Publik kanë dalë në vendngjarje. Të gjitha informacionet relevante dhe provat nga kjo ngjarje i janë dorëzuar organeve kompetente që janë duke punuar në zbardhjen e rastit”,– thuhet në komunikatën e Ministrisë së Mbrojtjes.