BDI, ndërhyrja në BFI e pa pranueshme

Lidhur me zhvillimet e djeshme në BFI kanë reaguar partitë politike. Nëpërmjet një njoftimi me shkrim të BDI-së kjo parti shpreh pakënaqësinë për mënyrë se si disa struktura tentuan të ndërhyjnë në punën e Bashkësisë Fetare Islame”.

“Republika e Maqedonisë së Veriut është shtet sekular dhe pavarësia e bashkësive fetare është kategori kushtetuese të cilën institucionet e shtetit duhet ta garantojnë”, thuhet në kumtesën e BDI-së.

Nga BDI shtojnë se si parti politike japin mbështetja të plotë autonomisë së Bashkësisë Fetare Islame duke vlerësuar se kompetent të vetëm për zgjidhjen e çështjeve të brendshme janë organet e BFI-së dhe askush tjetër.

“Apelojmë te të gjithë, institucione qeveritare dhe gjyqësore të veprojnë konform parimeve kushtetuese që garantojnë autonominë dhe pavarësinë e bashkësive fetare dhe t’i respektojnë vendimet e organeve të Bashkësisë Fetare Islame” thuhet në fund të reagimit të BDI-së.