Koreja e Veriut, Kim Jong Un ka arritur në Rusi

Udhëheqësi i Koresë së Veriut, Kim Jong Un, ka arritur në Rusi, një ditë para takimit me presidentin Vladimir Putin.

Si zakonisht, rruga e Kim zgjat më shumë pasi ai udhëton me tren dhe jo me ndonjë mjet tjetër udhëtimi. Të martën zyrtari i Kremlinit, Juri Ushakov, tha se "Putin dhe Kim do të diskutojnë përpjekjet politike dhe diplomatike për të zgjidhur çështjen bërthamore në gadishullin Korean".

Takimi do të realizohet në kohën kur administrata e presidentit amerikan, Donald Trump, po përpiqet të sigurojë një marrëveshje për t'iu dhënë fund tensioneve bërthamore me Korenë e Veriut.

Dy takimet e mëhershme Trump-Kim nuk kanë arritur të prodhojnë ndonjë marrëveshje për çarmatosjen e Gadishullit Korean.