Jashari: Komisioni i Venecias do të deklarohet pë ndryshymet kushtetuese më 9 shtator

Qëndrimi  i ri, siç deklaroi sot në pres konferencë ministri i Drejtësisë Adnan Jashari, do të dihet më 9 shtator, datë kur është paralajmëruar vizita e kryetarit dhe anëtarëve të Komisionit të Venecias në Maqedoni.

 

"Tani për tani nuk ka mendim  nga Komisioni i Venecias lidhur me ndryshimet kushtetuese. Për këtë do të informohemi më 9 shtator kur kryetari dhe anëtarët e Komisionit venecian do të vijnë në Maqedoni", tha Jashari dhe shtoi se takimi që do të realizohet me ta do të përqëndrohet pikërisht në ndryshimet kushtetuese.

 

Sipas Jasharit, praktikë e rregullt është që të kërkohet mendim nga organet e BE-së jo vetëm për ndryshimet kushtetuese, por edhe  për të gjitha ligjet e rëndësishme  që në një farë mënyre duhet të harmonizohen me rekomandimet e BE-së.

 

Kuvendi i Republikës së Maqedonisë më 27 gusht i konformoi projekt-ligjet e shtatë amendamenteve të Kushtetutës.

 

Pas votimit në Kuvend, projekt-amendamentet shkojnë në debat publik treditor, për të cilin Qeveria sërisht deri në Kuvendin e RM-së duhet ti parashtrojë propozim-amendamentet ku do të  inkorporohen edhe vërejtjet nga debati.

 

Pritet që e gjithë procedura  për sjellen e amendamenteve kushtetuese të përfundojë deri në fund të tetorit.