Anëtarët e përjashtuar të "Së Majtës": Nuk mbështesim asnjë kandidat për president

Partia “E Majta” nuk duhet të mbështesë asnjë kandidat në zgjedhjet presidenciale të së dielës, pasi një gjë e tillë është vendosur në shkurt të këtij viti në mbledhjen e partisë. Kështu theksuan anëtarët e përjashtuar të kësaj partie, Zoran Vasilevski dhe Zdravko Savevski, të cilët kërkuan nga gjykata të vendos drejtësi lidhur me rastin se kujt i takon drejtimi i partisë.

“Dimitar Apasiev, në mënyrë të rrejshme përfaqëson dhe mbështet kandidatin e VMRO-DPMNE-së. Ne qëndrojmë pas vendimit të “Së Majtës” si parti, nuk mbështesim kandidatë të cilët janë partiakë. Duke respektuar qëndrimin e partisë, ne i bashkohemi zhgënjimit të qytetarëve që kanë ndaj dy partive dhe mu për këtë qëllim ne nuk planifikojmë që partinë tonë të vëmë në shërbim të arritjes së censusit”,- tha anëtari i përjashtuar nga “E Majta”, Zoran Vasileski.

“Vendimi gjyqësor është vendosur bazuar në standarde të çuditshme. Me këto vendime gjyqësori në mënyrë plotësuese eliminon sundimin e së drejtës dhe e dyta humbja e betejës sonë gjyqësore me Apasiev do të jetë masazh i fortë se çdokush që do të posedojë vulat partiake pa respektuar statutin e partisë, pa mbështetjen e organeve, të ushtrojë pushtet autokrat në partinë e tij”,- tha anëtari i përjashtuar nga “E Majta”, Zdravko Savevski.

Ky reagim vjen disa ditë pasi krahu tjetër i kësaj partie me kryetar Dimitar Apasiev vendosi të mbështesë kandidaten e VMRO-DPMNE-së, Gordana Silanovska - Davkovën për presidente shteti. (Zekirja Mexhiti, TVM2)