Më 7 maj papa Françesku viziton Shkupin: Vizitën ia kushtoj shenjtores, Nënës Terezë

Nesër Papa Françesku nis vizitë në Bullgarinë fqinje ndërsa destinacioni i tij i rradhës do të jetë Maqedonia e Veriut. Në Bullgarin me mbi 7.1 milionë banorës, ka 58.000 pjesta të besimit katolikë, ndërsa në Maqedonia e Veriut, me rreth 2 milionë banorë mendohet të ketë rreth 15.000 katolikë.  Në Maqedoninë e Veriut, Papa Françesku do të arrijë më 7 maj. Vizitën në Shkup ia kushtoj një bije të vendit tuaj, Nënës Terezës thekson Papa në video mesazhin e tij.

 

Në fakt, bukuria e veçantë e vendit tuaj, është për shkak të kulturave të ndryshme, etnive dhe feve që jetojnë në të. Sigurisht që bashkëjetesa nuk është gjithmonë e lehtë, ne e dimë atë, por ja vlen që të investohet në përpjekje, për shkak se mozaikët më të bukura janë ato që kanë  shumë ngjyra. Vizitën time ia kushtoj një shenjtore të madhe, një bije të vendit tuaj, Nënës Terezë, e lindur dhe e rritur në Shkup, e cila me ndihmën e Perëndisë, u bë misionare e guximshme e Krishtit në botë, duke u dhënë shpresë dhe dinjitetin të varfërve. Të dashur miq, le të përgatisim takimin tonë me lutje që ky takim të jetë i mbushur me paqe dhe të mira për të gjithë njerëzit tuaj", tha papa Françesku.

 

Maqedonia e Veriut do të jetë vendi i 42-të që do ta vizitojë papa Françesko nga vendosja e tij si kreu i Kishës katolike romake në vitin 2013.  Papa deri tani ka pasur 29 udhëtime apostolike jashtë Vatikanit të cilat përfshijnë vende ku jetojnë katolikët romakë, por edhe shtete në të cilat shumicën e përbëjnë besimtarët protestant, myslimanë dhe ortodoks, siç është rasti me Maqedoninë e Verit dhe Bullgarinë.