A ka krizë politikë në Kosovë?

Përfaqësues të partive opozitare kanë thënë se nuk do ta presin shumë Flora Brovinën nëse ajo vazhdon të heshtë sa i përket ftesës për vazhdimin e seancës, si kryesuesja më e vjetër.

Që prej publikimit të vendimit të martën e javës së kaluar, Brovina nuk ka kontaktuar me asnjë nga partitë opozitare për ta caktuar datën e seancës.  Sipas analizave të fundit  thuhet se deputetët  kosovarë nuk duhet të mbesin peng i vullnetit të Brovinës për ta ftuar seancën dhe për të caktuar pikat e rendit të ditës, të cilat kërkohen me aktvendimin e Gjykatës Kushtetuese.

Ne nderkohe  Partia Demokratike e Kosovës do ta shfrytëzojë javën e parë të shtatorit për të negociuar me subjektet e tjera politike. Partia e Thaçit synon krijimin e shumicës parlamentare në mënyrë që të arrijë të zgjedhë kryetarin e Kuvendit e mandej edhe të krijojë Qeverinë.

PDK do të kërkojë që ta formojë kabinetin e ri pa përfshirë deputetët e Listës Serbe. Në këtë mënyrë, pavarësisht vendimit të Gjykatës Kushtetuese në lidhje me paligjshmërinë sipas saj, të zgjedhjes së Isa Mustafës  kryeparlamentar, për të përshpejtuar ngritjen e institucioneve të reja, Kuvendi pritet të nisë punimet vetëm javën e ardhshme.

Ditët e fundit, PDK ka shtuar përpjekjet për një aleancë të mundshme me LDK-në,  për një qeveri me bazë të gjerë. Megjithatë, zyrtarë të Lidhjes Demokratike të Kosovës janë shprehur se tashmë mund të negociojnë me PDK-në vetëm si koalicion, së bashku me AAK-në dhe Nismën.