Arratisja e Gruevskit, Ruskovska: Interpoli nuk shpall fletëarrest ndërkombëtar

Fletëarrest ndërkombëtar nuk është shpallur as për Nikolla Boshkovskin, për të cilin po ashtu është dorëzuar kërkesë me dokumentacion të plotë.

Shefja e Prokurorisë për ndjekje të krimit të organizuar, Villma Ruskoska, pohon se janë marrë disa dokumente nga Republika e Shqipërisë për ikjen e Gruevskit, por tha se ende nuk i ka lexuar.

Mes dokumenteve të pranuara nuk ka filmime nga kamerat e vëzhgimit në kufi, sepse xhirimet janë fshirë, pasi nuk janë kërkuar në kohë dhe Shqipëria nuk i ruan gjatë të njëjtat. Edhe Ruskovska pohon se xhirime nuk ka.

“Sa i përket ekstradimit të Gruevskit, për lëndën që e udhëheq, për ngjarjet e “27 prillit”, kam kërkuar nga MPB që të lëshohet fletëarrest ndërkombëtar, por informatat e fundit thonë se nuk mund ta publikojnë fletëarrestin ndërkombëtar”,- tha Ruskovska.

“Interpol refuzon të shpallë fletëarrest për Nikolla Gruevskin. Nga ana jonë është dorëzuar dokumentacion i plotë, gjithashtu edhe kërkesa, mirëpo fletëarresti nuk është shpallur, Interpol po refuzon që të shpallë, dhe pse kërkesa është bërë që para dy muajve”.

Sipas saj, Interpoli refuzon publikimin e fletëarrestit edhe pse është respektuar e njëjta procedurë kërkese si në 5 rastet paraprake për të akuzuarit për të njëjtën vepër.