Vaksinimi i fëmijëve, Filipçe: I detyrueshëm, nuk guxojmë të rrezikojmë

Qeveria pritet të vendosë sonte se si do të veprohet me regjistrimin në shkolla të fëmijëve të pavaksinuar.

Ministri i shëndetësisë këmbëngul se mospranimi në shkolla i fëmijëve të pavaksinuar do të detyrojë prindërit t’i vaksinojnë të njëjtët, duke i dhënë kështu fund gjendjes momentale me epideminë e fruthit.

“Kur i kemi të gjitha instrumentet në dorë, kur kjo është e paraparë me ligj dhe është e detyrueshme të jepet ky vërtetim për vaksinat, nuk guxojmë të qëndrojmë symbyllur ose të bëjmë lëshime dhe të na ndodhin epidemi të këtilla me raste vdekje”, – deklaroi Filipçe.