Cikloni “Andrea”, stuhi të fuqishme në Ballkan, RMV bëhet gati
Cikloni “Andrea” ka sjellë stuhi të fuqishme mbi Ballkan. Reshje të fuqishme kanë përfshirë Serbinë, Kroacinë dhe Bosnjën...
Disa lumenj kanë dalë nga shtrati, era e fuqishme ka rrëzuar drunjtë dhe njerëzit janë këshilluar të mos lëvizin pa nevojë.
Stuhia pritet të godasë edhe Maqedoninë e Veriut, me reshje lokale shiu e breshëri, erë dhe bubullima.
Autoritetet janë bërë gati për të pritur stuhinë, në pothuajse të gjitha komunat janë pastruar kanalizimet, sidomos në zonat e konsideruara si më në rrezik.
Zjarrfikësit janë gjithashtu në gatishmëri. Qendra për Menaxhim me Kriza ka në dispozicion numrin 195 për çdo rast rreziku nga moti i lig.
Qytetarëve u apelohet të mos dilet pa nevojë dhe veturat të mos parkohen afër kanalizimeve atmosferike ose poshtë pemëve.