Pesë të vdekur në një aksident në hyrje të Draçevës

Pesë persona kanë humbur jetën në një aksident të tmerrshëm mbrëmë në bulevardin “Boris Trajkovski”, pasi një makinë e tipit “Reno” është përplasur në një kamion të “Higjienës Komunale”.

 

Siç bën të ditur MPB, gjatë orëve të hershme të mëngjesit, një makinë të cilën e drejtonte një shofer nga Shkupi, 43-vjeçar, me iniciale J. L., ka ndërruar jetë në vendngjarje. Gjithashtu në vendngjarje kanë ndërruar jetë edhe 3 persona të tjerë që ishin në shoqëri me shoferin e makinës. Bëhet fjalë për personat me inicialet S. N. (54 vjeç) , E. T. (37) , si dhe I. A. (40), të gjithë nga Shkupi.

 

Shoferi i kamionit, 43-vjeçari, me iniciale M. J., ka pësuar lëndime trupore dhe është dërguar në Spitalin e Përgjithshëm, ku i është dhënë ndihma e parë dhe i njëjti është ndaluar për kurim të mëtejshëm. Hetime në vend-ngjarje kanë kryer ekipe të Prokurorisë Publike dhe MPB-së në Shkup. Me urdhër të prokurorit publik, trupat e pajetë janë dorëzuar për obduksion.