Anketa - benzina, qytetarët të shqetësuar nga shtrenjtimi i naftës

Pasi caktimi i çmimeve të derivateve të naftës mbeti në duart e kompanive, përkatësisht pompave të benzinës, është vërejtur rritje e çmimeve. Qytetarët ndjehen të shqetësuar për rritjen e çmimeve të derivateve të naftës, pasi kanë frikë se kjo mund të ndikojë edhe në shtrenjtimin e produkteve tjera. 

 

Në anketën e realizuar nga TVM2, qytetarët thonë se të ardhurat në Maqedoninë e Veriut vazhdojnë të jetë shumë të ulëta, ndërsa shpenzimet po rriten vazhdimisht. 

 

“Rritja e çmimit të derivateve duhet të shkojë në proporcion me standardin të cilin e kemi këtu, por mendoj se atë nuk e ka parasysh askush. E shoh se paralelisht kur rriten derivatet, rriten edhe tjerat asortimane. Mendoj se kjo nuk është në rregull. Në qoftë se rriten derivatet, le të rriten së paku edhe pagat”,- tha një qytetar.  

 

“Shumë i lartë çmimi, se jo pak. Për popullin a mendon dikush? Nuk mendon askush. Nuk i intereson askujt se si kalon, a ka me jetu apo jo”,- theksoi një qytetar. 

 

“Çmimet gjithnjë shkojnë lartë, asnjëherë nuk bien poshtë. Nuk pres që do të shkojnë shumë lartë, por gjithçka mund të pritet”,- u shpreh një qytetar. 

 

Nga KRRE kanë paralajmëruar se së shpejti do të miratojnë rregulloren e re, në bazë të së cilës do të përcaktohet çmimi i naftës, por deri atëherë gjithçka mbetet në vullnetin e kompanive.  

 

Kompanitë po vazhdojnë t’i diktojnë vetë çmimet e derivateve të naftës në pompat e benzinës. Sipas tyre, rritja e çmimeve të derivateve të naftës në pompat e benzinës është për shkak të rritjes së çmimit të naftës në bursat botërore.     

                   

Kompania Makpetrol mbrëmë në ueb faqen e saj publikoi çmimet e reja të derivateve, sipas të cilave:

 

Rritje të çmimeve ka pasur edhe nëpër pompat e benzinës të kompanive tjera.