Metodologjia e re për çmimin e benzinave, Ramadani: KRRE çdo të hënë me çmime të reja

Nga KRRE-ja thonë se kjo metodologji do të garanton çmime më të lira të derivateve të naftës në pompat e benzinës, që nga dita e parë e praktikimit të saj.

 

“Çmimet për një nuancë të vogël do të jenë më të ulëta, tani të hënën presim ulje të çmimeve. Edhe pse kishte rritje në bursat botërore, metodologjia e re lejon që të kemi çmime paksa më të ulëta se me metodologjinë e vjetër”, shprehet nënkryetari i KRRE-së, Kushtrim Ramadani.

 

Për dallim prej Metodologjisë së vjetër kur çmimet përcaktoheshin në dy javë, me këtë metodologji çmimet e derivative do të përcaktohen çdo të hënë. Nënkryetari i komisionit rregullator për energetikë Kushtrim Ramadani informoi se si do të llogaritet çmimi i derivateve të naftës me metodologjinë e re. 

 

“Në këtë çmim përmbahen këto elemente, çmimi i naftës dhe derivateve të naftës në bursat botërore, mandej e kemi kursin mesatar të denarit ndaj dollarit, e kemi një premi që e paguajnë tregtarët gjatë importit të naftës, mandej e kemi një margjinë për tregëti me shumicë dhe një margjinë për tregëti me pakicë, dhe çmimet e transportit”, thekson Ramadani.

 

Komisioni Rregullatorë  vendosi për rritjen e marzhit të shitjes me pakicë nga 3.2 deri 4.6 denarë për litër, por është dukshëm më i vogël se propozimi i shitësve të derivateve të naftës për ta bërë atë  nga 6 në 6 e gjysmë denarë për litër. Marzhi me shumicë do të jetë 1.2 denarë dhe nga transporti në vend 0.75 denarë për litër benzinë.