Tarifat e reja nga 10 qershori, Trump i shpall "luftë tregtare" edhe Meksikës

Presidenti i ShBA-ve, Donald Trump, ka njoftuar tarifat për të gjitha mallrat që vijnë nga Meksika në një përpjekje për të frenuar emigracionin e paligjshëm.

Trump tha se duke filluar nga 10 qershori, do të vendoset një tarifë prej 5% dhe do të ngrihet ngadalë "deri në zgjidhjen e problemit të emigracionit të paligjshëm".

Presidenti Trump ka deklaruar një emergjencë kombëtare për të trajtuar atë që ai pretendon se është një krizë në kufirin jugor të ShBA-së.

Agjentët e kufirit thonë se janë të zhytur plotësisht, por kritikët mendojnë se ata po keqpërdorin dhe keqtrajtojnë emigrantët.

Diplomatët meksikanë thonë se tarifat janë "katastrofike". Shtëpia e Bardhë tha të enjten se presidenti do të përdorte Aktin Ndërkombëtar të Fuqive Ekonomike të Emergjencave për të zbatuar tarifat e reja në Meksikë.

Njoftimi erdhi në të njëjtën ditë kur Shtëpia e Bardhë i tha Kongresit se kishte planifikuar të vazhdonte një marrëveshje të re tregtare me Meksikën dhe Kanadanë.