Siri, në maj 948 të vrarë, 288 civil dhe 67 fëmijë

Vëzhguesi Sirian i të Drejtave të Njeriut tha se 288 civilë, përfshirë 67 fëmijë, janë vrarë që nga 30 prilli nga forcat siriane dhe ruse.

 

Në shtator të vitit të kaluar është arritur një marrëveshje, me qëllim të shmangies së një ofensive të plotë nga regjimi sirian në provincën Idlib dhe zonat pranë, që kontrollohen nga ish-dega e Al Kaidës në Siri, Hayat Tahrir al-Sham. Por, regjimi i presidentit Bashar al-Assad dhe aleatja e tij, Rusia, i kanë intensifikuar sulmet ajrore në bastionin militant që në fund të prillit dhe agjencitë e ndihmës janë detyruar të ndalojnë punën në disa zona.

 

Zëdhënësi i Kremlinit, Dmitry Peskov, tha të premten se militantët dhe rebelët aleatë duhet t'i ndalojnë sulmet në zonat e mbajtura nga regjimi. Lufta civile në Siri ka nisur në vitin 2011, duke lënë 400,000 njerëz të vrarë, ndërsa miliona të tjerë janë zhvendosur.