“Kandilat e Bajramit”, fëmijët urojnë të parët për festën

Manifestimi tradicional “Kandilat e Bajramit” edhe sivjet u organizua nga Shoqata kulturore “Vizioni M”.

 

Treni i fëmijëve është kthyer në një traditë të bukur që paralajmëron përfundimin e muajit të shenjtë të Ramazanit dhe ardhjen e Fitër Bajramit. 

 

“Manifestimi kulturor “Kandilat e Bajramit” është manifestim që realizohet nga viti 2004. Disa vite ka pasur ndërprerje vazhdimisht, është bërë një traditë e Shkupit që festa e Fitër Bajramit të festohet me trenin e Bajramit. Zakonisht shpërndahen edhe 500 pako”,- deklaroi Erduan Dauti nga “Vizioni M”.

 

  Fëmijët iu gëzuan shëtitjes me trend dhe mezi presin rrobat e reja të blera posaçërisht për festë.  

 

“Për herën e tretë që shëtis me tren. Për festë kam blerë  shallvare, tesha për me vesh”,- tha një fëmijë.

 

“Hera e parë që po shëtis për Bajram. Gëzohem se është festë e madhe”,- theksoi  një fëmijë.

 

“Unë kam blerë rroba. Nesër kam me i vesh”,- u shpreh një fëmijë.  

 

“Unë gëzohem çdoherë për Bajram, sepse do të veshi fustan”,- tha një fëmijë.  

 

Në Çarshinë e Shkupit gjithashtu u organizua edhe ekspozita “Stringël dhe Art”, ekspozita  "Foto Mozaiku i Ramazanit" dhe u mbajt edhe Koncerti për fëmijë "Fidanët e Bajramit".