Arrestohet imami i “Xhamisë së Madhe” të Prishtinës
Mediet kosovare kanë bërë të ditur se është arrestuar imami i “Xhamisë së Madhe” të Prishtinës, Shefqet Krasniqi.....
Imami Krasniqi është arrestuar në orët e para të mëngjesit dhe pas tij aksioni policor ka vazhduar me arrestimin edhe të disa personave të tjerë.
Nuk dihen ende motivet e arrestimit të tij, por emri i imamit Krasniqi është përfolur në të kaluarën për nxitje të ekstremizmit islamik.
Javë më parë, Polica e Kosovës ka arrestuar më shumë se 40 të dyshuar për terrorizëm. Për ta ka dyshime se kanë marrë pjesë ose po tentonin t’i bashkoheshin grupeve terroriste islamike, si ISIS e Al Nusra, në Siri e Irak.
Kosova është në prag të miratimit të një Ligji, i cili dënon deri në 15 vjet burgim pjesëmarrjen në luftëra të huaja, me ngjyrime terroriste.